Препораки од технолог Снежана Ставрова

Со цел да се избегнат несакани последици по здравјето на луѓето во месеците кога имаме повисоки температури  потребна е поголема внимателност при подготвувањето и чувањето на храната. 

За да се елиминира секаков можен ризик во летните месеци потребно е да се набавуваат суровини од одобрени добавувачи, како и да се обезбеди соодветен транспорт и услови на чување на храната.

Најефикасна мерка на претпазливост за заштитата на сопственото здравје, а воедно и здравјето на консументите на храна е превенцијата која се спроведува со примена на неколу значајни практики:

- Одржување на личната хигиена на вработените како и хигиената на работните површини и опремата за работа.

- Одделување на сировата од подготвената храна, како важно правило за да се спречи пренесување на микроорганизимите од една на друга храна без разлика дали храната се подготвува или е складирана.

- Соодветна термичка обработка на храната преку која се уништуваат речиси сите опасни микроорганизми.

- Чување на храната на безбедни температури – од осебена важност за време на летните месеци е избегнување на чување на храната на собна темепература предолго време. За секој вид на храна потребно е да се запази соодветен температурен режим.

- Употреба на безбедна вода и свежи продукти - засилено внимание при изборот на свежи продукти и спроведување на мерки за приготвување и чување на храната може да го намалат ризикот од појава на заболување или труење со храна.